nonhaed_white-8

Nútímaleg heimili í alfaraleið

Á Nónhæð geta allir fengið eitthvað við sitt hæfi. Svæðið er einstaklega vel staðsett, á miðju höfuðborgarsvæðisins, skammt frá allri helstu þjónustu sem í boði er.

Steinsnar frá Nónhæðinni er helsta verslunarmiðstöð landsins, Smáralindin, þar sem finna má afþreyingu og þjónustu sem hentar öllum. Frá svæðinu liggja svo göngustígar til allra helstu útivistarsvæða, hvort heldur er Kópavogsdalinn eða Heiðmörkina.

Samgöngur til og frá Nónhæðinni eru eins og best verður á kosið, enda liggur svæðið nærri bæði Reykjanesbraut og Hafnarfjarðarvegi.

Komdu í heimsókn til okkar á Nónhæð – við tökum vel á móti þér!

Verslanir, kaffihús og bíóferðir…

Að fara með fjölskylduna í bíó, skella sér í búðir eða að fá sér að borða á góðum veitingastað er lítið mál fyrir íbúa Nónhæðar. Í aðeins 1 kílómetra radíus er hægt að finna alla þá afþreyingu sem hugurinn girnist.

Það er auðvelt að sinna félagslífinu þegar maður býr í miðri hringiðu höfuðborgarsvæðsins. Nónhæð er í hjarta Kópavogs, í hverfi sem er þegar gróið og hefur alla þá innviði sem nauðsynlegir eru í góðum hverfum.

nonhaed_kaffihus_og_verslarnir

…eða skella sér í göngutúr úti í guðs grænni náttúrunni?

Þegar mann langar til þess að losna aðeins undan ys og þys borgarinnar, er stutt út í náttúruna frá Nónhæð. Bæði Kópavogsdalurinn, Kópavogurinn sjálfur og Heiðmörk eru öll í stuttri göngufjarlægð frá Nónhæð.

Þeir sem það kjósa, geta notið frábærra tenginga við göngu- og hjólastíga, sem ná til flestra hverfa höfuðborgarsvæðisins.

Áhugamenn um íþróttir fá líka nóg við sitt hæfi á Nónhæðinni, enda stutt í frábæra íþróttaraðstöðu í Kópavogsdal og svo auðvitað Golfklúbb Garðabæjar við Vífilsstaði.

Staðsetning Nónhæðar býður upp á fágætt jafnvægi á milli þess að búa í grennd við róleg útivistarsvæði og óspillta náttúru, og svo hraðans í borgarlífinu. Þegar mikið gengur á og fólk þarf aðeins að kúpla sig út, þá er einfalt að fara í stuttan göngutúr í einstaklega fallegu umhverfi.

Það má ekki gleyma litla fólkinu!

Í næsta nágrenni við Nónhæðina er Smáraskóli. Skólinn er í aðeins 700 metra fjarlægð og hægt er að ganga um göng undir Fífuhvammsveg svo forðast megi umferðina.

Og fyrir þá sem eru enn þá minni, þá er leikskólinn Arnarsmári bókstaflega við hliðina á Nónhæðinni.

Þegar það verður erfitt að hafa ofan af fyrir börnunum, þá er lítið mál að bæta úr því.

leiskoli
nonhaed_skolinn

Það er gott að búa á Nónhæð

Rétt eins og slagorðið segir, þá er gott að búa í Kópavogi. Og það er mjög gott að búa á Nónhæð!

Staðsetning Nónhæðar er frábær fyrir einstaklinga, pör og fjölskyldur. Þú munt geta upplifað borgarlífið í sinni bestu mynd með beinni tengingu við náttúruna.

Allt sem þú og fjölskyldan þín þarfnast er innan handar. Það er stutt í allar áttir, afþreyingu, þjónustu, verslanir, skóla og íþróttamannvirki - þetta er allt rétt innan handar.

Vertu með okkur og taktu þátt í að búa þér og þínum gott líf í hagkvæmu og nútímalegu húsnæði á einum besta stað höfuðborgarsvæðisins.

logo_white-8

Allt myndefni birt með fyrirvara - bygginganefndateikningar gilda.
Hæðir og útlit húsa kunna að breytast.